අපේ බුදුහාමුදුරුවෝ 402 (සන්තිකේ නිදානය)
අපගේ ශාස්තෲන් වහන්සේ කපිලවස්තුවට පැමිණි ඒ දීප්තිමත් දෙවෙනි දිනයේ විසිදහසක් භික්‍ෂූන් පිරිවරා තමනට ආසන්නයේ පිහිටා තුබූ නිවසේ පටන් සපිළිවෙළින් කපිලවස්තු නගර මාධ්‍යය දෙසට පිඬුසිඟා වඩිමින් ගමන් කරනු ලැබුවා. “ආර්ය සිද්ධාර්ථ කුමාරයා පිඬු පිණිස හැසිරේ” යනුවෙන් දෙමහල් තුන්මහල් ආදී පහයවල සිටි මිනිසුන්, සිහ කවුළුව විවෘතකොට බලා සිටිය. මහජනයාත් වටවී මේ විරල දර්ශනය බලා සිටිය. හැබැයි යම් දර්මතාවයක් මත කිසිවකුටත් දානය සඳහා ආරාධනය කිරීමට අමතක වුනත් හැමෝම වගේ පිණ්ඩපාත දානයට සැරසිලා. මිනිසුන් විතරක් නෙවෙයි, ශුද්ධෝදන රජතුමාත් රාජකීය බෝජන සකසා වඩිනතුරු බලා සිටිනවා. දෙතිස් මහා පුරුෂ ලක්ෂණයෙන් අති ශෝභමාන වුත් ගාම්බිර වුත් ශාන්ත වුත්, ඹබයක් පුරාවට බුද්ධ රශ්මිය විහිදෙන අපේ බුදුහාමුදුරුවෝ ඇතුළු සංඝ පිරිස රාජමාලිගාව දෙසට පිඩුසිඟා වඩිමින් පැමිණෙනවා. එතැන සිටි බොහෝ අය තරුණවියේ සිටි සිටුකුමාරවරු ඒ නිසා කහවතින් මුළු පරිසරයම බැබෙලෙනවා. කල්පකාලන්තරයක්ම පෙරමග බලා සිටි දෙනතින්ම එදිනත් අරුණලි වැටීමට පෙර සිටම යසෝදරාව බුදුරජාණන් වහන්සේ වඩින පෙරමග දෙස බලා සිටයේ නොවිසිල්ලෙන්.
මිනිසුන්ගේ සාදුකාර හඬ දසත පැතිරෙනවා. දැන් උන්වහන්සේ පෙණෙන තෙක් මානයේ. රාහුල පුත් දුවගෙන විත් ඇයට තුරුල් වුනේ තම පියා අද දිනයේ එන බව අම්මා කියා සිටි නිසා වෙන්නට ඇති. ඔහු නොවිසිල්ලෙන් තාත්තා ගැන අහනවා. ඒ මොහොතේ තම සැමියා කෙරෙහි වූ අසීමිත ආදරයෙන්, අසීමිත ගෞරවයෙන් ඇය මෙලෙස ගාථා නවයකින් ලෝකනායක වූ පුතුගේ පියාගේ ගුණ සහ රූපශ්‍රීය වර්ණනා කරන්නට වුණා.
චක්ක වරංකිත රත්ත සුපාදෝ
ලක්ඛණ මණ්ඩිත ආයත පණ්හී
චාමර ඡත්ත විභූසිත පාදෝ
ඒසහි තුය්හ පිතා නරසීහෝ
චක්‍ර ලකුණු යුතු රන්වන් පාදේ
ලක්ෂනයෙන් පිරි දිගැති විළුඹේ
චාමර සත් බැබලෙන පා පතුලේ
මේ උත්තම මුණි නුඹේ පියා වෙයි..
සක්‍ය කුමාරවරෝ සුඛුමාලෝ
ලක්ඛණ විත්තිත පුණ්ණ සරීරෝ
ලෝක හිතාය ගතෝ නරවීරෝ
ඒසහි තුය්හ පිතා නරසීහෝ
ශාක්‍ය කුලේ සිවුමැළි ඒ කුමරා
පින් ඇති පුන් සිරුරින් පිරිවරිනා
ලෝ යහපත වෙත ආ නරවීරා
මේ උත්තම මුණි නුඹේ පියා වෙයි…
පුණ්ණ සසංක නිභෝ මුඛ වණ්ණෝ
දේව නරාන පියෝ නරනාගෝ
මත්ත ගජින්ද විලාසිත ගාමී
ඒසහි තුය්හ පිතා නරසීහෝ
පුන්සද මෙන් බැබලෙන පැහැ මුහුණයි
දෙව් මිනිසුන් හැමටම ප්‍රිය උපදයි
මත් ඇතෙකුගෙ ගමනට සරි ගමණයි
මේ උත්තම මුණි නුඹේ පියා වෙයි..
ඛත්තිය සම්භව අග්ග කුලීනෝ
දේව මනුස්ස නමස්සිත පාදෝ
සීල සමාධි පතිට්ඨිත චිත්තෝ
ඒසහි තුය්හ පිතා නරසීහෝ
අග්‍ර කුලය වූ කැත් කුල වංශේ
දෙව් මිනිසුන් වැදි පා යුග ඇත්තේ
ශීල සමාධියෙ පිහිටි සිතැත්තේ
මේ උත්තම මුණි නුඹේ පියා වෙයි..
ආයත යුත්ත සුසන්ඨිත නාසෝ
ගෝපබුමෝ අභිනීල සුනෙත්තෝ
ඉන්දධනූ අභිනීල භමූකෝ
ඒසහි තුය්හ පිතා නරසීහෝ
උසින් දිගින් සුපිහිටි සොද නාසේ
ගෝ නෙත වැනි වූ සුනිල සුනෙත්තේ
දේදුනු මෙනි ප්‍රිය දෙබැමක් ඇත්තේ
මේ උත්තම මුණි නුඹේ පියා වෙයි…
වට්ට සුමට්ට සුසණ්ඨිත ගීවෝ
සීහ හනූ මිග රාජ සරීරෝ
කඤ්චින සුච්ඡවි උත්තම වණ්ණෝ
ඒසහි තුය්හ පිතා නරසීහෝ .
මනාව වටකොට සැදි ගෙල ඇත්තේ
සිංහ හනුද මුව රජ වැනි සිරුරේ
රන්පාටින් බැබලෙන ගත සිරියේ
මේ උත්තම මුණි නුඹේ පියා වෙයි..
අඤ්ජන වණ්ණ සුනීල සුකේසෝ
කංචන පට්ට විසුද්ධ ලළාටෝ
ඕසධි පණ්ඩරසුද්ධ සුඋණ්හෝ
ඒසහි තුය්හ පිතා නරසීහෝ .
සුසිනිල කේශය අඤ්ජන වර්ණය
රන්පටයක් බඳු නිමල ලලාටය
ඕසධි තරුවක් සේ පිරිසිදු විය
මේ උත්තම මුණි නුඹේ පියා වෙයි..
සිනිද්ධ සුගම්භිර මන්ජු සුඝෝසෝ
හිංගුල බද්ධ සුරත්ත සුජිව්හෝ
වීසති වීසති සේත සුදන්තෝ
ඒසහි තුය්හ පිතා නරසීහෝ
සුසිනිදු ගැඹුරැති මියුරු තෙපුල් දෙන
හිංගුල කන්ද සෙ දිව යහපත් වේ
විස්ස බැගින් යුත් සමසතලිස් දත්
මේ උත්තම මුණි නුඹේ පියා වෙයි..
ගච්ඡති නීල පථේ විය චන්දෝ
තාර ගණා පරිවේඨිත රූපෝ
සාවක මජ්ඣතෝ සමණින්දෝ
ඒසහි තුය්හ පිතා නරසීහෝ
අහස් කුසේ සරණා පුන්සඳ සේ
තරු ගණනින් පිරිවරණ පරිද්දෙන්
ශ්‍රාවක සඟ මැද වඩින සමින්දා
මේ උත්තම මුණි නුඹේ පියා වෙයි.