අපේ බුදුහාමුදුරුවෝ (අවිදුරේ නිධානය) 165
සිදුහත් කුමරු ශිල්ප දැක්වීම. 02
දේවයන් වහන්ස මේ සිව්කොණේ සිටවු දක්ෂ දුනුහේවායන් සතර දෙනෙකුට මට විදීමට නොහැකි වුනා . හොඳයි මම දැන් ඔවුන්ව සිව්කොනේ රඳවා එකම ඊතල පහරින් සතර දෙනාටම විදිනවා. ඔබට එය වැළක්විය හැකිද? එහෙත් දුනුවායෝ එසේ සිටීමට නො සමත් වුණේ බියට වෙන්න ඇති. . බෝධිසත්ත්වයෝ සතර කොණ්වල කෙසෙල් ගෙඩි සතරක් තබා නාරසන්නය තුඩෙහි රතු නූල් කැබැල්ලක් බැද, එක් කෙසෙල් ගෙඩියක් ඉලක්ක කොට දමා ගසනු ලැබුවා. හරිම පුදුම දෙයක් වුනා . නාරසන්නය එල්ල කරනු ලැබූ කෙසෙල් ගෙඩිය විද අනතුරුව සතර කොණේ තිබු දෙවෙනි තෙවෙනි හතරවෙනිද යන කෙසෙල් ගෙඩිද සිදුරු කරමින් යළිත් පළමු පරිද්දෙන්ම විද නැවත අතටම පැමිණියා. කෙසෙල් නූලේ දැවටී තිබුණා. මහජනයා දහසක් ප්‍රීතිඝෝෂා පවත්වනු ලැබුවා.
රජතුමා, දරුව, එය කුමන ශිල්පයක් ද? දෙවියන් වහන්සේ එය චක්‍රවිදීමනම් වනවා.
දරුව තවත් ශිල්පයක් දක්වන්න.
බෝධිසත්ත්වයෝ ඊතල යෂ්ටි නම් ඊතල රැහැන් නම්, ඊතල වේය නම්, ඊතල ප්‍රසාද නම්, ඊතලය මණ්ඩප නම්, ඊතල හිණිමග නම්, ඊතල ප්‍රකාර නම්, ඊතල පොකුණ නම් ඊතල පියුම් නම් ආදිය ඊතල පිපුනේ නම් යනාදී අනෙකුත් දුනුහේවායනට අසාධාරණ ඔහුට පමණක්ම කළහැකි ඊතල දුනු හරඹ මාලාවක් කරවමින් ඊතල වර්ෂාවක් වැස්ස වනු ලැබුවා. මේ ආදී තවත් අනභිබවනීය ශිල්ප දොලසක් පමණ දක්වා පෙන්වා යළිත් අසාධාරණ මහ කඳන් හතක්ද, බිඳවාලනු ලැබුවා. අඟල් අටක් පමණ ඝනකම දිඹුල් කොටයකට ද විදනු ලැබුවා. අඟල් සතරක් පමණ ඝනකම පියාගස් ලෑල්ලක් ද අඟල් දොළහක් ඝනකම තඹ පුවරුවක් ද, අඟල් එකක් ඝනකම යකඩ පුවරුවක්ද, ඒකාබද්ධ වූ පුවරු සියයක්ද, පිදුරු ගැලක් ද, වැලි ගැලක් ද , ලෑලි ගැලක්ද යන ඒවාට ඉදිරියෙන් හීය විධ පසුපසින් නික්මවාලනු ලැබුවා. ජලයෙහි ගොනුන් සතර දෙනෙකුටද ගොඩබිම වෘෂභයන් අට දෙනෙකුටද සිටින තැනට ඊතල යැවීය. ගොඩබිම වාතයේ සංඥාවෙන් ගොනුන් මත්තෙහි වූ අශ්ව ලෝමයක්ද සිදුරු වන සේ විදුණු ලැබුවා. බෝසතාණන්ගේ මෙපමණ ශිල්ප දක්වන අතර තුරේම හිරු බැස ගියා. ඔල්වරසන් හඬ ප්‍රීති ඝෝසා හඬ නගමින් සියල්ලොම සතුටින් විසිර ගියා.
සැළකිය යුතුයි. – මෙහි දක්වන ලද ශිල්ප දැක්වීම පිළිබඳව වැඩි විස්තරයක් අවිදුරේ නිධානයේ සඳහන් නොවේ. ඒ වෙනුවට එහි “ශිල්ප දැක්වීමේදී අනෙකුත් දුනු හේවායනට අසාධාරණ වූ කුමරුන්ට පමණක් සාධාරණ වූ ශිල්ප ක්‍රම දොළසක් සරභංග ජාතකයේ පරිදී දත යුතු” යැයි සඳහන් කොට ඇත. එම නිසා මෙම ශිල්ප දැක්වීම එතැනින් උපුටාගත්තකි.
උපකාරක ග්‍රන්ථ – සරභංග ජාතකය