ගන්ධබ්බ යනුවෙන් ගුරුළන්ටත්, නටන ගයන නළුවන්ටත්, ගන්ධබ්බ කායික දෙවියන්ටත්, ප්‍රතිසන්ධි චිත්තක්ෂණය හි සිටින සත්වයා ටත්, ඇතැම් තැනක ගස් වැල් ගෙඩි ආදියෙහි සුවඳ ආග්‍රහණය කොට ජීවත් වන අමනුෂ්‍යයන්ට ත් භාවිතා වේ.
ථේරවාදී බුදු දහමෙහි කිසි තැනක ගන්ධබ්බ යනුවෙනි අන්තරා භවයක් ගැන සඳහන් නොවේ.
අන්තරා භවයක් ඇති බව හෝ අන්තරාභවිකයෙක් ඇති බව හෝ ථේරවාද බුදු දහමෙහි සඳහන් නොවේ. අන්තරා භවයක් නොමැති බව විශේෂයෙන් සඳහන් වේ.
අන්තරා භවය යන දෘෂ්ටිගතය තුල ආත්ම ලක්ෂණය ඇත. ථේරවාදී බුදු දහමෙහි ඇත්තේ අනාත්ම ලක්ෂණය යි.