පිරිමියෙකු ස්ත්‍රී භාවයට පත් වීමට හේතු බොහෝ ගණනක් ඇත. නමුත් ඒ සියල්ල ම අකුසල් නොවේ.
යම් කෙනෙක් බොහෝ කුසල් කළත් ස්ත්‍රියක වීමට කැමති නම් ස්ත්‍රී ජීවිතයක ඉපදීමට හැකිය.
බොහෝ දෙනෙකු සිතන්නේ ස්ත්‍රියක් බවට පත් වන්නේ අකුසලයක් නිසා කියාය.
“යදා පන ලිඞ්‌ගපරිවත්‌තනං හොති, තදා බලවතා අකුසලෙන පුරිසලිඞ්‌ගං අන්‌තරධායති, දුබ්‌බලෙන කුසලෙන ඉත්‌ථිලිඞ්‌ගං පාතුභවති. දුබ්‌බලෙන ච අකුසලෙන ඉත්‌ථිලිඞ්‌ගං අන්‌තරධායති, බලවතා කුසලෙන පුරිසලිඞ්‌ගං පාතුභවතීති “
යම් කලක ලිංග පරිවර්තනයක් වේද, එකල බලවත් වූ අකුසලයෙන් පුරුෂ ලිංගය අතුරුදහන් වෙයි, දුර්වල වූ කුසලයෙන් ස්ත්‍රී ලිංගය පහළ වෙයි, දුර්වල අකුසලයෙන් ස්ත්‍රී ලිංගය අතුරුදන් වෙයි, බලවත් වූ කුසලයෙන් පුරුෂ ලිංගය පහළ වෙයි’ යනුයි.
එම නිසා පුරුෂ ලිංගය හෝ ස්ත්‍රී ලිංගය බලවත් හෝ දුර්වල කුසලයක් නිසා පහළ වෙයි. පුරුෂ ලිංගය හෝ ස්ත්‍රී ලිංගය බලවත් හෝ දුර්වල අකුසලයක් නිසා අතුරුදහන් වෙයි.
කාමමිථ්‍යාචාර අකුසලය නිසා සිදු වන්නේ නිරයෙ හි ඉපදීම, නපුංසක වීම, පණ්ඩක වීම ආදී දේවල්ය.
කර්මය ගෙවා අවසාන වූ විට ස්ත්‍රියක් බවට පත් වෙයි. වැඩි විස්තර සඳහා මහා නාරද කාශ්‍යප ජාතකය බලන්න.
අසූමහා ශ්‍රාවිකාවන් වැනි පින් අධික බොහෝ ස්ත්‍රීන්, කොතරම් පින් රැස් කලත්, ස්ත්‍රීන් ලෙසම ශාසනික සේවාවන් කළ යුතු නිසා, ස්ත්‍රීත්වය අත් නොහරී.